Վրաստանն Ադրբեջանից 66 միլիոն դոլարի նավթամթերք է ներմուծել

Այս տարվա հունվարից մինչև սեպտեմբեր Վրաստանը ներմուծել է 972 միլիոն դոլարի 1.3 միլիոն տոննա նավթամթերք։

Այս մասին հաղորդում է Report-ը՝ հղում անելով երկրի Ազգային վիճակագրական ծառայության զեկույցին։

Նշվում է, որ ներմուծման արժեքը նախորդ տարվա նույն ժամանակահատվածի համեմատ նվազել է 1%-ով, մինչդեռ ծավալն աճել է 10%-ով։ Ծավալի աճի հիմնական պատճառը տարվա առաջին կեսին վառելիքի համաշխարհային գների զգալի անկումն է։

Ընդգծվում է, որ հաշվետու ժամանակահատվածում Վրաստանը Ադրբեջանից ներմուծել է 66 միլիոն դոլարի նավթամթերք։