Զախարովա. ԵԱՀԿ Մինսկի խումբը, իր բոլոր ինստիտուտներով հանդերձ, չի կարող վերականգնվել

ԵԱՀԿ Մինսկի խումբը, որպես միջազգային բանակցային ձևաչափ, իր բոլոր ինստիտուտներով հանդերձ, չի կարող վերականգնվել

ТАСС-ի փոխանցմամբ՝ այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Նա հավելել է, թե 2022 թվականին  ԵԱՀԿ ՄԽ Ֆրանսիայի և ԱՄՆ համանախագահներն են դադարեցրել իրենց գործունեությունը՝ խմբի կազմում։

«Նաև Հայաստանը Ղարաբաղը ճանաչել է Ադրբեջանի անբաժանելի մաս՝ Հայաստանի, Ադրբեջանի, ԵՄ-ի և Ֆրանսիայի մասնակցությամբ գագաթնաժողովի արդյունքներով։ Դա տեղի է ունեցել 2022 թվականի հոկտեմբերի 6-ին՝ Պրահայում։ Բացի այս ամենը, 2023 թվականի սեպտեմբերին իրավիճակը կտրուկ փոխվել է, համապատասխանաբար, ԵԱՀԿ-ի կողմից շատ վաղուց հաստատված Մինսկի խմբի համանախագահների մանդատը  պարզապես կորցրել է իր արդիականությունը։ Եվ քանի որ երկու համանախագահները դադարեցրել են իրենց գործունեությունը այս խմբում, դրան էլ գումարվել են վերը նշված հանգամանքները, ուրեմն էլ ի՞նչ ԵԱՀԿ Մինսկի խմբի մասին կարող է խոսք լինել»,- ասել է Զախարովան։