Ադրբեջանական ՈԿԿ-ները կոալիցիա են կազմել

Ադրբեջանի ոչ կառավարական կազմակերպությունները հայտարարություն են տարածել Հայաստանի կողմից հանքարդյունաբերության ոլորտում բնապահպանական նորմերի և չափանիշների կոպտագույն խախտման դեմ պայքարի կոալիցիա ստեղծելու մասին։

AZERTAC-ը ներկայացնում է հայտարարությունը.

«Մենք՝ Ադրբեջանի ներքոստորագրյալ ոչ կառավարական կազմակերպություններս, մեր խորը մտահոգությունն ենք հայտնում հանքարդյունաբերության ոլորտում Հայաստանի աճող տնտեսական ակտիվության կապակցությամբ, որն ուղեկցվում է բնապահպանական նորմերի և ստանդարտների կոպիտ խախտումներով, ինչը աղետի է հանգեցնում Հարավային Կովկասի տարածաշրջանում, որտեղ ապրում է ավելի քան 15 միլիոն մարդ, և, որպեսզի համախմբենք ջանքերը դրա դեմ պայքարելու համար՝ հայտարարում ենք Environmental Protection First (EPF) կոչվող կոալիցիայի ձևավորման մասին:

Փորձագետների կողմից իրականացված ստուգումները պարզել են, որ հայկական հանքարդյունաբերական ձեռնարկությունների թունավոր քիմիական թափոնները մեծ վնաս են հասցրել Ադրբեջանի հետ սահմանին գտնվող ջրային ռեսուրսներին և շրջակա միջավայրին։ Այս ամենը առաջացնում է նույնանման մտահոգություն, ինչ ազատագրված տարածքներում ավերածությունների ու ականների խնդիրը, ինչպես նաև խոչընդոտում է բնակչության վերադարձին ու անվտանգ ապրելուն։

Մեր գործունեությունը լինելու է լիովին թափանցիկ և հաշվետու, և մենք պարբերաբար կտեղեկացնենք հանրությանը կատարված աշխատանքների մասին»։