Ադրբեջանի դրոշն այրած ոճաբան Արամ Նիկոլյանն ազատվել է Հանրային հեռուստաընկերությունում աշխատանքից

Ծանրամարտի Եվրոպայի առաջնության բացման արարողության ժամանակ Ադրբեջանի դրոշն այրած ոճաբան Արամ Նիկոլյանը սեփական դիմումի համաձայն ազատվել է Հանրային հեռուստաընկերությունում աշխատանքից:

Ինչպես տեղեկացնում է Caliber.Az-ը՝ վկայակոչելով հայկական մամուլին, այդ մասին հայտարարել է Հ1-ի տնօրեն Հովհաննես Մովսիսյանը:

«Արամ Նիկոլյանն ինչ-որ ժամանակ առաջ, սեփական դիմումի համաձայն, ազատվել է աշխատանքից, մնացած հարցերով իրեն պետք է դիմել»,- ասել է Մովսիսյանը՝ այլ մանրամասներ չհայտնելով։

Լրագրողները հետաքրքրվել են նաև՝ ոճաբանը հայտարարել էր, որ Հանրային հեռուստաընկերություն իր մուտքն արգելել են․ այդ հայտարարությունից հետո՞, թե՞ առաջ է նա ազատվել աշխատանքից։ «Ժամանակագրորեն հիմա չեմ կարող հիշել»,- պատասխանել է Մովսիսյանը։