Ադրբեջանի խորհրդարանն ընդունել է ակցիզային ապրանքների շրջանառության հարկային հսկողության մասին օրինագիծը

Միլլի Մեջլիսն ընդունել է ակցիզային ապրանքների ներմուծման, արտադրության, իրացման և շրջանառության նկատմամբ հարկային հսկողություն ապահովելու մասին օրինագիծը։

Caliber.Az-ի փոխանցմամբ՝ Հարկային օրենսգրքում փոփոխություններ ենթադրող օրենքի նախագիծը երրորդ ընթերցմամբ քննարկվել է Միլլի Մեջլիսի այսօրվա նիստում։

Փոփոխությունների նախագիծը պատրաստվել է դրոշմավորված ակցիզային հարկով հարկման ենթակա ապրանքների շրջանառությունը կանոնակարգելու և այդ ապրանքների ներմուծման, արտադրության, իրացման և շրջանառության նկատմամբ հարկային հսկողություն ապահովելու նպատակով։

Սա կնպաստի նաև սպառողների իրավունքների պաշտպանությանը, ստվերային տնտեսության վերացմանը, ակցիզային ապրանքների և ակցիզային դրոշմանիշերի կեղծման դեպքերի կանխմանը։