Բայրամովը մերկացրել է միջազգային կազմակերպություններին

Փետրվարի 1-ին Ադրբեջանի արտգործնախարար Ջեյհուն Բայրամովն ընդունել է Միջխորհրդարանական միության գլխավոր քարտուղար Մարտին Չունգոնի գլխավորած պատվիրակությանը։

Ինչպես Caliber.Az-ին հայտնել են ԱԳՆ-ից, հանդիպմանը քննարկվել են Ադրբեջանի և Միջխորհրդարանական միության միջև համագործակցության զարգացման հեռանկարները և տարածաշրջանում տիրող իրավիճակը։

Ջեյհուն Բայրամովը նշել է, որ Միջխորհրդարանական միությունը կարևոր մանդատ ունի տարբեր երկրների խորհրդարանների միջև կապեր հաստատելու և կարծիքների փոխանակման առումով, ընդգծել է, որ Ադրբեջանն ակտիվորեն մասնակցում է միության գործունեությանը։

Ջեյհուն Բայրամովը հայտարարել է, որ 2024 թվականին Ադրբեջանը կհյուրընկալի Կլիմայի փոփոխության մասին ՄԱԿ-ի շրջանակային կոնվենցիայի (COP29) Կողմերի 29-րդ նստաշրջանը, հյուրերին մանրամասն տեղեկացրել է միջոցառման նախապատրաստական աշխատանքների մասին և հույս հայտնել, որ Միջխորհրդարանական միությունը սերտորեն կմասնակցի դրան:

Խոսելով հետհակամարտային շրջանում տարածաշրջանում տիրող իրավիճակի, օկուպացիայից ազատագրված տարածքների վերականգնման աշխատանքների, ինչպես նաև Ադրբեջանի խաղաղ նախաձեռնությունների մասին՝ Ջեյհուն Բայրամովը նշել է, որ անցյալ տարի Ղարաբաղի տարածքում հակաահաբեկչական միջոցառումներից հետո, կազմակերպվեց ՄԱԿ-ի և մի շարք այլ միջազգային կազմակերպությունների ներկայացուցիչների տարածաշրջան առաջին այցը՝ վերջին 30 տարում: Նախարարը հայտարարել է, որ չնայած Ադրբեջանի այս դիրքորոշմանը, մի շարք միջազգային կազմակերպություններ, որոնք անգործության էին մատնված օկուպացիայի և հակամարտության ժամանակ, վնասում են կարգավորման ներկայիս օրակարգին։ Ընդգծվել է, որ Եվրոպայի խորհրդի խորհրդարանական վեհաժողովի վերջին քայլն ընդդեմ Ադրբեջանի գնահատվում է որպես երկակի ստանդարտների հերթական դրսևորում։