ՎԶԵԲ ներկայացուցիչ. Մենք գոհ ենք վերականգնվող էներգետիկայի ոլորտում Ադրբեջանի հետ համագործակցությունից

Վերակառուցման և զարգացման եվրոպական բանկը (ՎԶԵԲ) գոհ է՝ Ադրբեջանի հետ վերականգնվող էներգետիկայի ոլորտում համագործակցությունից։
 
Ինչպես հաղորդում է Caliber.Az-ը, այս մասին COP29-ում՝ «Ցածրածխածնային տեխնոլոգիաների, այդ թվում՝ միջուկային էներգիայի ֆինանսավորում» միջոցառման ժամանակ հայտարարել է՝ ՎԶԵԲ-ի քաղաքականության և գործընկերության հարցերով փոխնախագահ Մարկ Բաումանը։
 
«ՎԶԵԲ-ի համար շատ կարևոր է աջակցել երկրների էներգետիկ փոխակերպմանը: Մենք հաջողությունների ենք հասել՝ այլընտրանքային էներգիայի օգտագործման ընդլայնման գործում երկրներին աջակցելու հարցում և աջակցել ենք Ադրբեջանում վերականգնվող էներգիայի առաջին լայնածավալ նախագծերին։ Մեր օգնությունը գերազանցում է ֆինանսական աջակցությունը. մենք աշխատում ենք նաև քաղաքական ոլորտում, ինչը առանցքային գործոն է այլընտրանքային էներգիայի զարգացման համար բարենպաստ պայմաններ ստեղծելու համար»,- նշել է նա։