«Դուք փորձեցիք խաթարել վստահությունը СОР-ի գործընթացի նկատմամբ, բայց բոլոր փորձերը ձախողվեցին» Հաջիևը կոշտ է պատասխանել Բորելին

Ադրբեջանի նախագահի օգնական Հիքմեթ Հաջիևը կոշտ է արձագանքել Х սոցիալական ցանցում՝ Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելի՝ COP29-ի վերաբերյալ քննադատությանը։
 
Այս մասին հայտնում է Caliber.Az-ը՝ հղում անելով Հաջիևի X-ում էջին:
 
«1. Ձեր կողմից՝ Եվրամիությունը որպես «այգի» և մնացած աշխարհը որպես «ջունգլի» պատկերացնելը խորը ափսոսանք է  առաջացնում: Այս հայտարարությունը նման է ոչ պակաս, քան գաղութատիրության ժամանակաշրջանի «մենք և բարբարոսները» պատմվածքին:
 
2. Կլիմայի փոփոխությունից ամենաշատը տուժում են փոքր կղզիների զարգացող պետությունները, ինչպես նաև ԵՄ անդամ երկրների անդրծովյան շրջանները։ Սակայն արտերկրյա տարածաշրջանները, որոնք զրկված են ինքնակառավարումից, չեն կարող արտահայտել իրենց մտահոգությունները և անտեսված են։ COP29-ում Ադրբեջանը, հանդես գալով ներառական ձևով, հարթակ է տրամադրում յուրաքանչյուր ձայն լսելի լինի: ԵՄ անդամ երկիր լինելը ոչ մեկին արտոնություն չի տալիս պահպանել նեո/գաղութային իշխանությունը և մերժել ապագաղութացման հայեցակարգը։ Նկատի ունենալով, որ ԵՄ որոշ երկրներ օգտագործեցին գաղութատիրության տխրահռչակ պրակտիկան և ամոթալի ստրկավաճառությունը։
 
3. Ադրբեջանը՝ որպես COP29-ի հյուրընկալող, արժանի է ողջ միջազգային հանրության հավանությանը։ Սակայն միանգամայն անընդունելի է, որ ԵՄ արտաքին կապերի եվրոպական ծառայությունը հրահանգներ է ուղարկել երկրներին չմասնակցել COP29-ին։ Նմանապես, ԵՄ որոշ երկրներ նույնպես օգտագործել են իրենց դիվանագիտական ​​ցանցը՝ այլ պետությունների COP29-ին մասնակցելուց հետ պահելու համար: Այս կերպ Դուք փորձեցիք խաթարել վստահությունը COR գործընթացի նկատմամբ: Բայց այս բոլոր փորձերը ձախողվեցին։ Ավելի քան 80 պետությունների և կառավարությունների ղեկավարներ այցելել են СOR: 70000+ գրանցված մասնակից։ Ուզում եմ հիշեցնել, որ СОР գործընթացը պատկանում է ՄԱԿ-ին և ողջ աշխարհին։
 
Չնայած այս բոլոր անօգուտ հարձակումներին, Ադրբեջանը՝ որպես COP29-ի հյուրընկալող և նախագահող, կշարունակի անել ամեն հնարավորը՝ ապահովելու COP-ի ներառականությունը և կառուցողականորեն աշխատել կողմերի հետ՝ կլիմայի գլոբալ գործողությունների օրակարգում ակնկալվող արդյունքներին հասնելու համար»,- գրել է Խ. Հաջիևը։

@JosepBorrellF 1. Your illustration of the European Union as a “garden” and the rest of the world as a “jungle”is the most regrettable. This statement reminds nothing other than the the colonial era narrative of “we and barbarians”.

2. Small island developing states suffer… https://t.co/2mpltWXmqK

— Hikmet Hajiyev (@HikmetHajiyev) November 14, 2024