Եռակողմ հայտարարությունը մնում է տարածաշրջանում տարբեր իրավիճակների կայունացման բանալին. Լավրով

Ռուսաստանն ուշադրություն կդարձնի Ղարաբաղի շուրջ իրավիճակի կարգավորմանը:

Caliber.Az-ի փոխանցմամբ՝ այս մասին հայտարարել է ՌԴ ԱԳ նախարար Սերգեյ Լավրովը՝ Մոսկվայում Հայաստանի արտգործնախարար Արարատ Միրզոյանի հետ երկկողմ հանդիպմանը:

«Մենք կասկած չունենք, որ եռակողմ հայտարարությունները մնում են բոլոր որոշումների իրականացման բանալին՝ ի շահ տարածաշրջանում իրավիճակի կայունացման ապահովման՝ և՛ տնտեսական, և՛ ռազմաքաղաքական ոլորտում, և՛ միջազգային իրավունքի առումով»,- նշել է Լավրովը:

Նախարարը նշել է, որ Ռուսաստանը պատրաստ է ամենայն աջակցություն ցուցաբերել տրանսպորտային հաղորդակցությունների ապաշրջափակման և հայ-ադրբեջանական սահմանի սահմանազատման գործում։