Էրդողանը հայտարարել է մինչև Բաքու արագընթաց երկաթուղու կառուցման մասին

Թուրքիան Ադրբեջանի հետ զարգացնելու է ենթակառուցվածքային նախագծերը:

Ինչպես հայտնում է Yeni Şafak-ը, այս մասին Սըվասում ելույթի ժամանակ հայտարարել է՝ Թուրքիայի նախագահ Ռեջեփ Թայիբ Էրդողանը։

Նա նշել է, որ այս ամենը տեղի կունենա՝ չնայած Թուրքիայի Ազգային Ժողովրդահանրապետության կուսակցության նախագահ Քեմալ Քըլըչդարօղլուի հայտարարություններին, ով նսեմացնում է Ղարաբաղի և Զանգեզուրի միջանցքի նշանակությունը:

«Ինչպես մենք միասին ազատագրեցինք Ղարաբաղը և ամրապնդեցինք մեր համագործակցությունը բոլոր ոլորտներում՝ տնտեսությունից մինչև պաշտպանական արդյունաբերություն, այնպես էլ մեր ադրբեջանցի եղբայրների հետ կբարելավենք մեր տրանսպորտային ենթակառուցվածքը»,- ասել է նախագահը։

Թուրքիայի նախագահի խոսքով, երկաթգիծը, որը կկառուցվի Թուրքիայում, կապվելու է Բաքու-Թբիլիսի-Կարս տրանսպորտային միջանցքի հետ։