Թուրքիայում երկրաշարժի զոհերի թիվը գերազանցել է 1000 մարդը ԹԱՐՄԱՑՎԱԾ

Թուրքիայի Հանրապետության Արտակարգ իրավիճակների կառավարման գործակալության (AFAD) ղեկավար Յունուս Սեզերը հայտարարել է, որ Քահրամանմարաշում երկրաշարժերի հետևանքով զոհվածների թիվը կազմում է 1014 մարդ։

Այս մասին հայտնում է Anadolu-ն։

15:37

Թուրքիայում երկրաշարժի ժամանակ զոհվել է 912 մարդ։

Yeni Safak-ի փոխանցմամբ՝ այս մասին հայտարարել է Թուրքիայի նախագահ Ռեջեփ Թայիբ Էրդողանը։

«Երկրաշարժի հետևանքով զոհվել է 912, վիրավորվել՝ 5385 մարդ։ Ավերվել է 2818 շենք։ Փլատակների տակից հանվել է 2470 մարդ»,- ասել է պետության ղեկավարը։

12:37

Թուրքիայում տեղի ունեցած երկրաշարժի հետևանքով զոհվել է 284 մարդ, վիրավորվել՝ 2323-ը։

Anadolu-ի փոխանցմամբ՝ այս մասին հայտարարել է փոխնախագահ Ֆուաթ Օքթայը։

10:04

Թուրքիայում տեղի ունեցած երկրաշարժի զոհ է դարձել 76 մարդ։

Այս մասին հայտնում է Թուրքիայի Հանրապետության Արտակարգ իրավիճակների կառավարման գործակալությունը (AFAD), փոխանցում է APA-ն։

Թուրք սեյսմոլոգները երկրաշարժի ուժգնությունը գնահատել են 7,4 մագնիտուդ։ Նրանց խոսքով, մի քանի րոպե անց երկրորդ ցնցումն է տեղի ունեցել տարածաշրջանում։