Թուրքիայում ուսանողներով ավտոբուս է շրջվել, կան զոհեր և բազմաթիվ վիրավորներ

Թուրքիայի Բուրսա քաղաքում առնվազն երեք մարդ է զոհվել, ևս 44-ը վիրավորվել ուսանողներով ուղևորատար ավտոբուսի շրջվելու հետևանքով։

Այս մասին հայտնում է Caliber.Az-ը՝ հղում անելով Haber Global-ին։

Դեպքի վայր են ժամանել արտակարգ իրավիճակների ծառայության աշխատակիցները, տուժածները հոսպիտալացվել են։

Բուրսայի քաղաքային վարչակազմի ղեկավար Յակուպ Ջանբոլատը հայտնել է, որ ավտոբուսը բախվել է պատնեշին ու շրջվել։

Նա նշել է, որ դեպքի պահին ավտոբուսում եղել է 47 մարդ, այդ թվում՝ երեք ուսուցիչ և երկու վարորդ։