«Իզուր էր Մոսկվան Հայաստանին տեսնում որպես վստահելի գործընկեր» Telegram-ի ալիքները՝ Երևանի դավաճանության մասին

Նախօրեին Նյու Յորքում ՄԱԿ-ի կենտրոնակայանում վերսկսված 11-րդ արտակարգ նիստի շրջանակներոմ՝ ՄԱԿ-ի Գլխավոր ասամբլեան քվեարկել էր՝ ՄԱԿ-ի Մարդու իրավունքների խորհրդին Ռուսաստանի անդամակցությունը կասեցնելու օգտին։ 58 երկրների հետ համահեղինակությամբ Ուկրաինայի առաջարկած բանաևին աջակցել է 93 պետություն։ 24 պատվիրակություն դեմ է արտահայտվել, իսկ 58-ը ձեռնպահ է մնացել։

Ինչպես հայտնում է Caliber.Az-ը, Հայաստանը չի մասնակցել այս քվեարկությանը, թեև երկար տարիներ քվեարկել է Ռուսաստանի շահերից ելնելով։ Հայաստանի իշխանությունների այս քայլը բացասական արձագանք է առաջացրել Մոսկվայում։

Այսպիսով, ռուսական խոշոր Telegram ալիքները Հայաստանի նման դիրքորոշումը գնահատել են, որպես դավաճանական և ոչ բարեկամական։

«Երևանը, այնուամենայնիվ, որոշել է հեռանալ Մոսկվայից։ Հիմա ակնհայտորեն: Դժվար է այլ կերպ մեկնաբանել Հայաստանի ձեռնպահ քվեարկությունը՝ ՄԱԿ-ի Մարդու իրավունքների խորհրդից Ռուսաստանի դուրս գալու վերաբերյալ։ Հատկապես հաշվի առնելով, որ Ռուսաստանի Դաշնությունը հասկացրել է, որ դա կընկալվի որպես ոչ բարեկամական ժեստ», - գրում է Boilernaya Telegram ալիքը, որն ունի ավելի քան 200,000 բաժանորդ:

«Իզուր էր Մոսկվան տեսնում Հայաստանին որպես վստահելի գործընկեր, իզուր էր սպասում հավատարմության պատասխան, դարձյալ ապարդյուն։ Դատելով ամեն ինչից՝ այժմ Երևանը չի կարողանա այդքան հմտորեն հավասարակշռել միջազգային ասպարեզում։ Եկել է ընտրության ժամանակը, և ընտրությունը կատարվել է»,- ասվում է Telegram-ի այս ալիքում, որի հրապարակումը դիտել է շուրջ 65000 ընթերցող։
.

Telegram ալիք NEWS.ru | News-ը, որն ունի ավելի քան 274,000 բաժանորդ, գրում է «Հայաստանը խաչմերուկում. կողմնորոշում, առաջնահերթություններ և արտաքին քաղաքականության ակնկալիքներ» Հայաստանում անցկացված հարցումը ցույց է տվել, որ հայերի գրեթե 70%-ը ուզում են սահմանափակել հարաբերությունները Ռուսաստանի Դաշնության հետ և սկսել համագործակցել ԵՄ և ԱՄՆ հետ:

NEWS.com | Լրատվականում ընդգծվում է, որ հարցված հայաստանցիների 46 տոկոսը տեսնում է Հայաստանի անդամակցության հեռանկարը Եվրամիությանում։ Telegram ալիքի այս հրապարակման դիտումների թիվը կազմել է շուրջ 50 հազար։

Ավելի քան 380 հազար բաժանորդ ունեցող Nezigar Telegram ալիքը հրապարակել է աղյուսակ՝ ՄԱԿ-ի Մարդու իրավունքների խորհրդում Ռուսաստանի անդամակցության կասեցման վերաբերյալ քվեարկության արդյունքներով, այն ուղեկցել է հեգնական արտահայտությամբ՝ «Հայաստանը հավասարակշռում է»։ Այս գրառումը դիտել է արդեն ավելի քան 35000 մարդ: