«Խոշտանգումներ վերապրած ադրբեջանցիները արդար դատավարություն են ուզում» Քաղաքագետը՝ Խաչատրյանի գործի մասին

«Երկրորդ համաշխարհային պատերազմից հետո տասնյակ հազարավոր ռազմական հանցագործներ կանգնեցին միջազգային և ռազմական տրիբունալների, ինչպես նաև պետական դատարանների առջև։ Նյուրնբերգի դատավարությունը պատմական իրադարձություն դարձավ, առաջին հերթին, որպես իրավունքի հաղթանակ նացիստական անօրինությունների նկատմամբ։ Նացիստական հանցագործությունների մասնակիցների հետապնդումը շարունակվում է 21-րդ դարում։ Ներկայումս միջազգային և պետական տրիբունալները հավատարիմ են այն սկզբունքին, որ ռազմական հանցագործությունների բոլոր մասնակիցները պետք է պատժվեն»:

Այս մասին Сaliber.Az-ին հայտնել է՝ Ադրբեջանի ռուսական համայնքի փոխնախագահ, լրագրող, քաղաքագետ Անաստասիա Լավրինան, ում կարծիքով, ոչ մի երկիր չի վիճի այն փաստի հետ կապված, որ մեր ժամանակներում ընդունված է, որ պետությունը պարտավոր է պաշտպանել խաղաղ բնակչությանը վայրագություններից և պատժել հանցագործներին։

«Համապատասխանաբար, 1991 թվականին Խոջալուի շրջանի Մեշելի գյուղում տեղի ունեցած իրադարձությունների առնչությամբ կալանավորված Վագիֆ Խաչատրյանի նկատմամբ քրեական հետապնդումը համապատասխանում է միջազգային և ազգային իրավունքի նորմերին։

Աշխարհը պետք է հաշվի առնի այն կարևոր փաստը, որ սարսափելի խոշտանգումներ վերապրած ադրբեջանցիները, նրանք, ովքեր տասնամյակներ շարունակ ստիպված են եղել ապրել հայրենի հողից հեռու, այժմ ցանկանում են ոչ թե հանցագործների մահ, այլ արդար դատավարություն և օրինական պատիժ սահմանել։ Սա արդեն ցույց է տալիս ադրբեջանական ժողովրդի հումանիզմի բարձր մակարդակը։ Սա այն է, ինչը կօգնի շրջել պատերազմի էջը և կնպաստի Հարավային Կովկասում երկար սպասված խաղաղության հաստատմանը»,- եզրափակել է քաղաքագետը։