Ադրբեջանում առցանց բանկինգի շրջանառությունը գերազանցել է 250 միլիարդ մանաթը

2025 թվականի հունվար-հոկտեմբեր ժամանակահատվածում Ադրբեջանում առցանց բանկային գործարքների քանակը կազմել է 23 մլն 438 հազար 700, ինչը 35.3%-ով ավելի է նախորդ տարվա նույն ժամանակահատվածի համեմատ։

Caliber.Az-ի փոխանցմամբ՝ այս մասին ասված է Ադրբեջանի Կենտրոնական բանկի հաղորդագրության մեջ։

Ընդ որում՝ առցանց բանկինգի գործարքների ընդհանուր արժեքը կազմել է 251 մլրդ 691 հազար 600 մանաթ (11.7% աճ)։

Բացի այդ, 10 ամսվա ընթացքում բջջային բանկինգի գործարքների քանակը կազմել է 715 մլն 802 հազար 500 (41.2% աճ), ընդհանուր արժեքը՝ 58 մլրդ 183 մլն 900 մանաթ (8.3% աճ)։