COP30. Ադրբեջանին վստահվել է՝ Փարիզի համաձայնագրի վերաբերյալ գլոբալ ամփոփագրի համակարգումը

Բրազիլիայի խնդրանքով Ադրբեջանին վստահվել է COP30-ի հիմնական արդյունքների փաստաթղթերից մեկի՝ Փարիզի համաձայնագրի գլոբալ ամփոփագրի (GST) համակարգումը։

Report-ի փոխանցմամբ՝ COP-ի նախագահությունը Բրազիլիային փոխանցելուց հետո, Ադրբեջանը շարունակում է ակտիվորեն մասնակցել կլիմայական դիվանագիտությանը։

Այս վստահության շնորհիվ Բաքուն կարևոր առաքելություններ է ստանում կլիմայական համաժողովի բանակցային գործընթացում։

Բրազիլիայի հետ միասին, Ադրբեջանն արդեն պատրաստել է «Բաքվից Բելեմ ճանապարհային քարտեզ»՝ գլոբալ կլիմայական ֆինանսավորումը մինչև 1.3 տրիլիոն դոլար ավելացնելու համար։ Փաստաթուղթը ներկայացվել է COP30-ում և դրական արձագանք է ստացել երկրների մեծ մասից։

Բացի այդ, Ադրբեջանին և Նորվեգիային հանձնարարվել է բանակցություններ վարել՝ COP30-ի երկու հիմնական որոշումների համակարգման շուրջ, այդ թվում՝ COP31-ի ընդունող երկրի ընտրության հարցում։ Ադրբեջանի փոխարտգործնախարար Յալչըն Ռաֆիևին և Նորվեգիայի կլիմայի ու շրջակա միջավայրի նախարար Անդրեաս Բյելանդ Էրիկսենին վստահվել է բանակցությունների ղեկավարումը՝ COP30-ի նախագահ Անդրե Կոռեա դու Լագոյի անունից։