Ադրբեջանն ամրապնդում է բժշկական կապերը Թուրքիայի հետ

Ադրբեջանի առողջապահության նախարարությունում տեղի է ունեցել հանդիպում Ադրբեջանում Թուրքիայի արտակարգ և լիազոր դեսպան Բիրոլ Աքգյունի հետ։

Ինչպես Caliber.Az-ին հայտնել է նախարարության մամուլի ծառայությունը, հյուրերին ողջունելուց հետո նախարար Թեյմուր Մուսաևն ընդգծել է, որ երկու ժողովուրդներին միավորում են խորը պատմական արմատները և հոգևոր-մշակութային արժեքները. «Ադրբեջանի և Թուրքիայի միջև գործընկերությունը, որը հիմնված է եղբայրության, մեր ժողովուրդների պատմական և մշակութային կապերի, փոխադարձ հարգանքի և վստահության վրա, գտնվում է զարգացման ամենաբարձր փուլում»։

Նախարարի խոսքով՝ ժամանակակից Ադրբեջանի անկախության առաջին տարիներից ի վեր երկու երկրների առողջապահական հաստատությունների միջև հաստատվել են պաշտոնական կապեր։

Թեյմուր Մուսաևն ընդգծել է, որ առողջապահության և բժշկական գիտության, ինչպես նաև այլ ոլորտներում երկու եղբայրական երկրների միջև համագործակցությունն օրինակելի է. «Ադրբեջանի պատվիրակությունը մասնակցել է Անկարայում անցկացված Թուրքական աշխարհի 11-րդ բժշկական համագումարին։ Նման միջազգային հարթակները կարևոր են ոչ միայն փորձի փոխանակման, այլև ապագայի մեր ընդհանուր առաջնահերթությունները սահմանելու առումով»։