Ադրբեջանում կարող է կրճատվել սպաների խաղաղ ժամանակ զինվորական ծառայության ժամկետը

Ադրբեջանում սպաների խաղաղ ժամանակ զինվորական ծառայության ժամկետը կարող է կրճատվել վեց ամսով։
 
Report-ի տվյալներով՝ պաշտպանության, անվտանգության և կոռուպցիայի դեմ պայքարի խորհրդարանական հանձնաժողովի անդամներն այսօր քննարկել են՝ «Զինվորական ծառայության կանոնակարգը հաստատելու մասին» և «Զինվորական պարտականության և զինվորական ծառայության մասին» օրենքներում փոփոխություններ կատարելու մասին համապատասխան օրենքի նախագիծը։
 
Փոփոխությունների նախագծի համաձայն՝ պահեստազորից պարտադիր զինվորական ծառայության զորակոչված կամ պայմանագրային հիմունքներով կամավոր կերպով զինվորական ծառայության անցնող սպաների խաղաղ ժամանակ զինվորական ծառայության ժամկետը կրճատվելու է վեց ամսով՝ մինչև մեկ տարի։