Խոսնակ Պապուաշվիլի. Վրաստանում ընդդիմությունը ֆինանսավորվում է ԵՄ բյուջեից՝ շրջանցելով օրենքը

Օտարերկրյա դոնորները ցանկանում են ազգաբնակչությունից թաքցնել տեղեկատվությունը, որ Վրաստանում ընդդիմադիր կուսակցությունները ֆինանսավորվում են ԵՄ բյուջեից՝ շրջանցելով օրենքը, ոչ կառավարական կազմակերպությունների միջոցով։

Ինչպես հայտնում է Caliber.Az-ը՝ վրացական լրատվամիջոցներին հղումով, այս մասին հայտարարել է Վրաստանի խորհրդարանի նախագահ Շալվա Պապուաշվիլին։

ՈԿԿ-ների ֆինանսավորումը Վրաստանում քննարկման հիմնական թեմաներից է։ Երկրի իշխանությունները մի քանի տարի շարունակ ասում են այն մասին, որ ոչ կառավարակական կազմակերպությունները միջամտում են քաղաքականությանը՝ թաքցնելով ֆինանսավորման աղբյուրներն ու դրանց նպատակները։ Իշխանությունների քննադատության օբյեկտ են դարձել նաև օտարերկրյա դոնորները։

«Կարո՞ղ է արդյոք դոնորը կազմակերպել, որ բնակչությունն իմանա, որ կուսակցությունները գաղտնի ֆինանսավորվում են ԵՄ բյուջեից, օրինակ՝ «Դրոան» և այլ կուսակցություններ՝ օրենքը շրջանցելով: Իհարկե, դոնորները ցանկանում են այս ամենը թաքցնել վրաց բնակչությունից»,- հայտարարել է Պապուաշվիլին։