ԿՄԱԸ փոխնախագահ. Հուսով ենք, որ մեր բերած պարենային բեռը կհասցվի հայազգի բնակիչներին

«Մենք հուսով ենք, որ մեր բարեգործական քայլը, մեր մարդասիրական առաքելությունը պատշաճ կերպով կգնահատվի, և շուտով մեր բերած պարենային բեռը կհասցվի այդ մարդկանց»։

Այս մասին Caliber.Az-ին հայտնել է՝ Կարմիր մահիկի ադրբեջանական ընկերության (ԿՄԱԸ) փոխնախագահ Գաֆար Ասկերզադեն։

«Մեր բարեգործական քայլի նպատակը՝ Ղարաբաղում բնակվող հայազգի բնակիչներին պարենային օգնություն, մասնավորապես 40 տոննա ալյուր հասցնելն է։ Ընկերության ղեկավարությունը համապատասխան բանակցություններ է վարել՝ Ադրբեջանում ժամանակավորապես տեղակայված ռուս խաղաղապահների հրամանատարության հետ։ Սակայն դրական պատասխան դեռ չկա։ Հուսով ենք, որ մեր բարեգործական քայլը, մեր մարդասիրական առաքելությունը պատշաճ կերպով կգնահատվի, և շուտով մեր բերած պարենային բեռը կհասցվի այդ մարդկանց»,- ասել է նա։