Կոբախիձեն հանդիպել է Ադրբեջանի և Հայաստանի դեսպանների հետ

Վրաստանի վարչապետ Իրակլի Կոբախիձեն հանդիպել է՝ այս երկրում Ադրբեջանի և Հայաստանի դեսպաններ Ֆաիգ Գուլիևի և Աշոտ Սմբատյանի հետ։

Sputnik Գրուզիայի փոխանցմամբ՝ վարչապետը դեսպանների հետ քննարկել է տարածաշրջանում առկա իրավիճակը՝ ընդգծելով խաղաղության ու կայունության կարևորությունը։

Նա անդրադարձել է նաև՝ ռազմավարական գործընկերությանը, երկրների միջև սերտ բարեկամական հարաբերությունների կարևորությանը, տարբեր ոլորտներում համագործակցության հետագա խորացմանը։