Հայաստանը կարող է ձեռք բերել հնդկական «Ակաշ» հրթիռներ

Հայաստանը կարող է ձեռք բերել՝ «երկիր-օդ» դասի հնդկական «Ակաշ» հրթիռներ:

Ինչպես հայտնում է Caliber.Az-ը՝ Sputnik Արմենիային հղումով, այս մասին հայտնում է՝ հնդկական EurAsian Times պաշտպանական հրատարակությունը։

Այս տեղեկությունը պաշտոնապես չի հաստատվել, սակայն փաստաթղթերը թույլ են տալիս ենթադրել, որ այդ զինատեսակների պատվերն արդեն կատարվել է, նշում է հրատարակությունը։

Akash-ը կարճ հեռահարության շարժական հրթիռային համակարգ է, որն արտադրվում է Bharat Dynamics Limited (BDL) ընկերության կողմից: Համալիրը կարող է միաժամանակ մի քանի թիրախներ խոցել (թշնամու հրթիռներ, ինչպես նաև ուղղաթիռներ, կործանիչներ և անօդաչու սարքեր 4-ից 25 կմ շառավղով): Հնդկաստանի զինված ուժերն արդեն գնել են այդ համակարգերը երկու հրթիռային գնդի համար և պատվիրել են ևս երկուսի համար։