Հայաստանում առևանգել են Փաշինյանի հակառուսական դիրքորոշումը քննադատող բլոգերին

Ռուսաստանցի բլոգեր Միքայել Բադալյանին առևանգել են Գորիսում՝ հանրապետության վարչապետ Նիկոլ Փաշինյանին հրապարակայնորեն քննադատելուց հետո։ Այս մասին նա հայտնել է «Սպուտնիկ» ռադիոյի՝ «Վերանորոգում ենք պրիմուսը» հաղորդաշարի հեղինակ Եվգենի Պրիմակովը, գրում է Գազետա.Ռու-ն։

Պրիմակովի խոսքով՝ Բադալյանին անհայտ դիմակավորված անձինք առևանգել են սեպտեմբերի 6-ին՝ Գորիսի հյուրանոցներից մեկի մոտ։ Միջադեպին ականատես է եղել Հայ եկեղեցու քահանան։ Այս մասին ռադիոհաղորդման հեղինակին հայտնել է Երևանից անանուն աղբյուրը։

Առևանգումից մեկ օր առաջ Բադալյանը «Սպուտնիկ» ռադիոկայանի եթերում կոշտ քննադատության է ենթարկել Հայաստանի վարչապետին՝ քաղաքական գործչի հակառուսական դիրքորոշման համար։ Պրիմակովը հույս է հայտնել, որ միջադեպը կապված չէ «Վերանորոգում ենք պրիմուսը» ծրագրում բլոգերի ելույթի հետ։