Հայաստանում կոչ են արել ապամոնտաժել Պուշկինի հուշարձանը

Այսօր Երևանում՝ Անգլիական զբոսայգում, մոտ տասը քաղաքացիներ Եվրոպական կուսակցության նախագահ Տիգրան Խզմալյանի գլխավորությամբ պահանջել են՝ ապամոնտաժել այգում տեղադրված ռուս բանաստեղծ Ալեքսանդր Պուշկինի հուշարձանը։

Ինչպես հայտնում է Caliber.Az-ը՝ հայկական լրատվամիջոցներին հղումով, օրեր առաջ լրագրողների հետ զրույցում Խզմալյանը հայտարարել էր, որ Հայաստանում գտնվող բոլոր ռուսական հուշարձանները պետք է ապամոնտաժվեն։

Քրիստոնեա-դեմոկրատական կուսակցության անդամ Գևորգ Ենգիբարյանը հանրահավաքի ժամանակ հայտարարել է, որ «նվաստացուցիչ է Երևանի կենտրոնում ունենալ Ալեքսանդր Պուշկինի անվան փողոց ու դպրոց, ով գրել է հայ ժողովրդին վիրավորող «Տազիտ» պոեմը։

«Երևանի կենտրոնում մենք Ֆրունզեի անունով փողոց ունենք, նույն Ֆրունզեն, ով թուրք զինվորներին սովորեցրել է սպանել հայերին։ Նրանք մեզ հետ գաղափարական, մշակութային կապ չունեն, նույնիսկ նրանց աշխարհայացքը մեզ հետ կապ չունի, դա չարի կայսրություն է։ Մենք պետք է ազատվենք դրանցից։ Մեզ մոտ դեռ Լենինգրադյան փողոց կա, այդպիսի քաղաք չկա, բայց Երևանում կա այդպիսի փողոց։ Օրինակ՝ Լեոնիդ Ազգալդյանի անունով փողոց չունենք, մեր հերոսների անունով փողոց չկա, բայց Լենինի անունով փողոց կա։ Այս մարդիկ կանգնած են եղել մեր պետության կործանման ակունքներում»,- ասել է նա։