Հայաֆիլ Մենենդեսը հրաժեշտ է տալիս քաղաքականությանը

Կոռուպցիայի համար դատապարտված սենատոր Բոբ Մենենդեսը ուրբաթ օրը հայտարարել է՝ իր քաղաքական կարիերայի ավարտի մասին: Նա հրաժարվել է ընտրություններին մասնակցել որպես անկախ թեկնածու։

Այս մասին հայտնում է «Ամերիկայի ձայնը»։

Նյու Ջերսիից 70-ամյա հայաֆիլն արդեն հայտարարել է, որ օգոստոսի 20-ին կլքի սենատորի պաշտոնը, որը զբաղեցնում էր 2006 թվականից։

Անցյալ ամիս Նյու Յորքի դատարանը սենատորին մեղավոր է ճանաչել շորթման, արդարադատության իրականացմանը խոչընդոտելու և կաշառք ստանալու մեջ՝ Եգիպտոսի և Կատարի հետ կապեր ունեցող գործարարներին ծառայություններ մատուցելու համար։