Հուլուսի Աքար. Մենք միշտ աջակցելու ենք Ադրբեջանին արդար գործում

Թուրքիայի Ազգային պաշտպանության նախարար Հուլուսի Աքարը Գլխավոր շտաբի պետ, գեներալ Յաշար Գյուլերի, Ցամաքային զորքերի հրամանատար, գեներալ Մուսա Ավսեվերի, Ռազմածովային ուժերի հրամանատար, ծովակալ Էրջումենտ Թաթլըօղլուի և Ռազմաօդային ուժերի հրամանատար, գեներալ Աթիլլա Գյուլենի հետ ժամանել են Իսպարտայում գտնվող ահաբեկչության դեմ պայքարի պատրաստության և զորավարժությունների կենտրոնի հրամանատարություն:

Ինչպես տեղեկացնում է «Անադոլու» գործակալությունը, ելույթ ունենալով Կոմանդոսի 51-րդ ավարտական արարողության ժամանակ, որը սկսվել է մեկ րոպե լռությամբ, Աքարը շնորհավորել է զինվորականներին, ովքեր հաջողությամբ ավարտել են ինտենսիվ և դժվարին ուսուցման շրջանը:

«Մենք բոլոր միջոցներով աջակցում ենք մեր կիպրոսցի եղբայրներին իրենց արդար գործում, և բացի այդ, մեր բարեկամներին, եղբայրներին և դաշնակիցներին, հատկապես՝ Ադրբեջանին ու Լիբիային, աջակցում ենք նրանց արդար գործը», - ասել է Աքարը։