«Հրապարակ». Պայմանագիր կնքելը մի բան է, CAESAR-ը Հայաստան հասցնելը` այլ բան

«Հայաստանը Ֆրանսիայից գնել է 36 Caesar ինքնագնաց հրետանային միավոր, ինչը մեծ ուրախություն է առաջացրել Հայաստանում: Մասնագետները գովում են հաուբիցները՝ դրանք հեռավար են, կրակի կառավարման ճկուն համակարգ ունեն, դիպուկ են և այլն: Բայց ոմանք ասում են` պայմանագիր կնքելը մի բան է, զենքը Հայաստան հասցնելը` այլ բան»:

Caliber.Az-ի փոխանցմամբ՝ այս մասին գրում է «Հրապարակ»-ը:

Բացի այդ, հրետանային միջոցները կիրառելու ունակ անձնակազմ պետք է ունենաս, քո համակարգին ինտեգրես: Ամեն մի հրետանային միջոցի համար առնվազն 2000-3000 հատ արկ է հարկավոր ունենալ, իսկ ՆԱՏՕ-ական ստանդարտներով` 6000 արկ: Այսինքն՝ եթե 30 հատ հրանոթ ունես` 180 հազար հատ արկ պիտի ունենաս», - գրում է պարբերականը:

Մեր կողմից հավելենք, որ Հայաստանում բանակի պահեստներում «ՆԱՏՕ-ական» 155 մմ տրամաչափի զինամթերք չկա։ Դրանք պետք է գնվեն Արևմուտքից։ Իսկ Եվրոպան չունի անհրաժեշտ արտադրական հզորություն: Մարտին AFP գործակալությունը հայտնել էր, որ Ֆրանսիայի նախագահ Էմանուել Մակրոնը խոստովանել է, որ վառոդի պակաս ունի՝ Ուկրաինային ռազմական օգնության շրջանակում հրետանային արկերի արտադրությունը մեծացնելու համար։ Ուկրաինայում պատերազմի սկզբից ի վեր արևմտյան տրամաչափի զինամթերքի արտադրությունը սպասվածից քիչ է աճել՝ երկարաժամկետ ֆինանսավորման երաշխիքների հետ կապված անորոշության, ինչպես նաև գների արագ աճի պատճառով: