Ղարաբաղից խաղաղապահների դուրսբերումը համապատասխանում է տարածաշրջանում առկա իրողություններին. Պեսկով

Ադրբեջանն ու Հայաստանը աշխատում են խաղաղության պայմանագրի վրա, սակայն դեռևս կան չհամաձայնեցված կետեր։

Այս մասին «Առաջին ալիքի» եթերում հայտարարել է ՌԴ նախագահի մամուլի քարտուղար Դմիտրի Պեսկովը։

ՌԴ նախագահի մամուլի քարտուղարը միաժամանակ ընդգծել է, որ երկու երկրների ղեկավարները շարունակում են սահմանների սահմանազատման բանակցությունները, և հարցերի մի մասն արդեն համաձայնեցված է։

Պեսկովը նաև հայտարարել է, որ Ադրբեջանի Ղարաբաղի մարզից ռուսաստանցի խաղաղապահների դուրսբերումը համապատասխանում է տարածաշրջանում առկա իրողություններին: