Մարտինիկայից պատգամավոր. Ֆրանսիան կանանց և երեխաներին թունավորել է քիմիական նյութերով

Ֆրանսիան Մարտինիկայում կանանց և երեխաներին թունավորել է քիմիական նյութերով:

Ինչպես հաղորդում է Caliber.Az-ը, այս մասին Բաքվի նախաձեռնող խմբի կողմից կազմակերպված՝ «Ապագաղութացում. կանանց իրավունքների ու հնարավորությունների ընդլայնում» համաժողովում ասել է՝ Ֆրանսիայի Ազգային ժողովի պատգամավոր, Մարտինիկայի ներկայացուցիչ Մարսելեն Նադոն։

Նադոն հիշեցրել է, որ Ֆրանսիան գաղութացրել է Մարտինիկան. «Նրանք թունավորել են մեր ժողովրդին քլորդեկոնով: Մենք չգիտենք, թե դա ինչ հետևանքներ կարող է ունենալ նրանց, մասնավորապես կանանց և երեխաների համար։ Ի՞նչ հետաքրքրություն ունեն մեր երկրները Ֆրանսիայի համար։ Նրանք անտեսում են մեր երկրների խնդիրները։ Ես երիտասարդական քաղաքական կուսակցության անդամ եմ։ Ֆրանսիայի Սահմանադրությունը մեզ որպես ժողովուրդ չի ճանաչում, և ես՝ որպես պատգամավոր, առաջարկել եմ փոփոխություններ կատարել հիմնական օրենքում։ Ֆրանսիան պետք է փոխի իր վերաբերմունքը մեր նկատմամբ»։