Պաշտպանության նախարարը հանդիպել է զինվորական հոսպիտալում բուժվող վիրավորների հետ ԼՈՒՍԱՆԿԱՐ

Ադրբեջանի Հանրապետության նախագահ, Զինված ուժերի Գերագույն հրամանատար Իլհամ Ալիևի հանձնարարությամբ՝ պաշտպանության նախարար գեներալ-գնդապետ Զաքիր Հասանովը և նախարարության ղեկավար կազմը սեպտեմբերի 18-ին այցելել են ՊՆ գլխավոր կլինիկական հոսպիտալ։

Այս մասին հայտնում է Caliber.Az-ը՝ վկայակոչելով պաշտպանության նախարարությանը:

Նախ ծաղիկներ են դրել հիվանդանոցի տարածքում կանգնեցված համազգային առաջնորդ Հեյդար Ալիևի հուշարձանի մոտ, հարգել են մեծ առաջնորդի հիշատակը։

Գեներալ-գնդապետ Զաքիր Հասանովը հանդիպել է ՊՆ գլխավոր կլինիկական հոսպիտալում բուժվող զինծառայողներին, որոնք վիրավորվել են Հայաստանի զինված ուժերի լայնածավալ սադրանքը կանխելիս: Պաշտպանության նախարարը հետաքրքրվել է նրանց առողջական վիճակով և կարիքներով։

Պաշտպանական գերատեսչության ղեկավարին զեկուցվել է, որ հոսպիտալի ողջ բուժանձնակազմը բարձր պրոֆեսիոնալիզմով աշխատում է վիրավոր զինծառայողների բուժման համար։

Այնուհետ նախարարն այցելել է պալատներում բուժվող զինծառայողներին, հետաքրքրվել նրանց առողջական վիճակով և ապաքինման ընթացքով, մաղթել շուտափույթ ապաքինում և վերադարձ ծառայության վայր։