Ի.Ալիևը շնորհավորել է Ադրբեջանի ուղղափառ համայնքին

Նախագահ Իլհամ Ալիևը շնորհավորել է Ադրբեջանի ուղղափառ քրիստոնեական  համայնքին։
 
Ինչպես հայտնում է Caliber.Az-ը, իր շնորհավորական ուղերձում նախագահ Իլհամ Ալիևը ուղղափառ քաղաքացիներին մաղթել է՝ առողջություն, երջանկություն և առատություն՝ ընդգծելով Ադրբեջանում հանդուրժողականության և փոխադարձ հարգանքի մթնոլորտը։
 
«Սիրելի հայրենակիցներ.
 
Սրտանց շնորհավորում եմ Ադրբեջանի ողջ քրիստոնեական համայնքին՝ Սուրբ ծննդյան տոնի առթիվ, բոլորիդ մաղթում եմ առողջություն և երջանկություն։
 
Դարեր շարունակ Ադրբեջանում քրիստոնեական կրոնի ներկայացուցիչները գոյակցում են այլ ազգերի և դավանանքների ներկայացուցիչների հետ՝ լավ բարեկամության, խաղաղության և հանգստության մթնոլորտում։ Մեր երկրում էթնոմշակութային բազմազանության և հանդուրժողականության հարուստ ավանդույթների պահպանումը, համաշխարհային մասշտաբով միջմշակութային և միջկրոնական երկխոսության զարգացմանն աջակցություն ցուցաբերելը՝ մեր քաղաքականության հիմնական ուղղություններն են։
 
Մեր հասարակության մեջ հաստատվել են ժողովրդավարական, իրավական պետականության և պետության ու կրոնի միջև առաջադեմ հարաբերությունների սկզբունքները։ Ադրբեջանում, որը հայտնի է որպես բազմամշակութայնության օրինակելի տարածք, բոլորը, անկախ լեզվից, կրոնից, էթնիկ պատկանելությունից, ունեն հավասար իրավունքներ և ազատություններ։ Մեր քրիստոնյա հայրենակիցները նույնպես արժանիորեն պահպանում են իրենց սովորույթներն ու ավանդույթները՝ ազատորեն կատարելով իրենց համոզմունքներին համապատասխան ծեսեր ու արարողություններ, բարեխղճորեն կատարելով իրենց քաղաքացիական պարտքը և ակտիվորեն մասնակցելով Ադրբեջանի հասարակական-քաղաքական, սոցիալ-մշակութային կյանքին»։