Պապիկյան. Հայաստանում սկսվել է անցումը պրոֆեսիոնալ բանակի

Հայաստանի զինված ուժերում բանակի բարեփոխման նպատակներից մեկն է անցումը պրոֆեսիոնալ բանակի։

Այս մասին հայտարարել է՝ ՀՀ պաշտպանության նախարար Սուրեն Պապիկյանը երկրի Հանրային հեռուստատեսությանը տված հարցազրույցում, հայտնում է Caliber.Az-ը՝ հայկական ԶԼՄ-ներին հղումով։

Նրա խոսքով, արդեն սկսվել է անցումը պրոֆեսիոնալ բանակի, և առաջիկայում Հայաստանի պաշտպանության նախարարությունը հանդես կգա համապատասխան օրենսդրական նախաձեռնությամբ։

Նախարարն ասել է, որ նախատեսվում է պայմանագրային զինծառայողներ հավաքագրել «զրոյից», նախարարի խոսքով՝ մասնագիտական ծառայությունը «օրգանապես կապված» է լինելու պարտադիր զինծառայության հետ։ Գործող պայմանագրային զինծառայողների համար կստեղծվի ատեստավորման հնարավորություն.

Նա նշել է, որ այս տարվա աշնանից զորակոչիկները կանցնեն պարտադիր ուսումնական փուլ, որից հետո միայն կուղարկվեն զորամասեր։

Ուշադրություն է դարձվելու նաեև երիտասարդ սպաներին բնակարանով ապահովելու հարցին՝ նրանք բուհերն ավարտելուց հետո կստանան բնակարաններ, իսկ բանակում 20 տարի ծառայելուց հետո՝ ամբողջությամբ սեփականության իրավունքով։