Ջեյհուն Բայրամովը հանդիպել է Պակիստանի արտաքին գործերի նախարարի հետ

Նյու Յորքում ՄԱԿ-ի Գլխավոր ասամբլեայի 77-րդ նստաշրջանի բարձր մակարդակի շաբաթվա շրջանակներում՝ Ադրբեջանի արտգործնախարար Ջեյհուն Բայրամովը հանդիպել է Պակիստանի արտգործնախարար Բիլավալ Բհուտո Զարդարիի հետ։
 
Caliber.Az-ի փոխանցմամբ՝ այս մասին Twitter-ում գրել է Ադրբեջանի ԱԳՆ ղեկավարը։
 
«Մեծ հաճույք է հանդիպել եղբայրական Պակիստանի արտաքին գործերի նախարար Բիլավալ Բհուտո Զարդարիի հետ՝ ՄԱԿ-ի Գլխավոր ասամբլեայի շրջանակներում։ Վստահ եմ, որ մեր երկրների միջև ռազմավարական հարաբերություններն ու համագործակցությունն էլ ավելի կամրապնդվեն և կխորանան։ Շնորհակալություն մշտական և հզոր աջակցության համար»,- նշել է Ջ.Բայրամովը։