Սիմոնյանը Փաշինյանին անվանել է հայ ժողովրդի դավաճան

RT-ի գլխավոր խմբագիր Մարգարիտա Սիմոնյանը՝ Հայաստանի վարչապետ Նիկոլ Փաշինյանին անվանել է հայ ժողովրդի դավաճան և այլասերված։

Lenta.Ru-ի փոխանցմամբ՝ լրագրողը Telegram-ում այսպես է արձագանքել իր բացատրությանը, թե ինչու են նրան արգելել մուտք գործել Հայաստանի տարածք։

Փաշինյանը ավելի վաղ հայտարարել էր, որ ՌԴ Պետդումայի պատգամավոր Կոնստանտին Զատուլինին, մեդիամենեջեր Մարգարիտա Սիմոնյանին և լրագրող Արամ Գաբրելյանովին Հայաստանի տարածք մուտքի արգելքը պայմանավորված է՝ հանրապետության ընտրված իշխանությունների հանդեպ նրանց անհարգալից վերաբերմունքով։

«Ես երբեք որևէ միջանցքի մասին ոչինչ չեմ ասել, բայց Փաշինյանի մասին ասել եմ և կխոսեմ անձամբ, որ նա այլասերված է և հայ ժողովրդի դավաճան, որ նա վաճառել և դավաճանել է բոլոր հայկական շահերը, որոնք կարող էր դավաճանել և վաճառել, և կվաճառի ու կդավաճանի նրանց, որոնց դեռ չի կարողացել, որ նա ատում է Ռուսաստանը և խաբում է Պուտինին, որ նա առանց պատվի ու խղճի ԿՀՎ-ի տականք է, ինչպես բոլոր ԿՀՎ-ականները»,- գրել է Սիմոնյանը՝ հավելելով, որ հենց այս խոսքերի համար է, որ արգելել են նրա մուտքը»,- եզրափակել է լրագրողը։