Վրաստանի պաշտպանության նախարարության համակարգում կկիրառվի ադրբեջանական մոդելը

Վրաստանի պաշտպանության նախարարության համակարգում կկիրառվի ադրբեջանական մոդելը:

Ինչպես հայտնում է Caliber.Az-ը, Վրաստանի խորհրդարանը 79 ձայնով երրորդ ընթերցմամբ ընդունել է «Պաշտպանության օրենսգրքում» փոփոխություն նախատեսող օրինագիծը:

Նախագծով փոփոխություններ են նախատեսվում օրենսգրքի անցումային դրույթներում:

Փոփոխությունների համաձայն՝ 2024 թվականի հունվարի 1-ից զինվորական հաշվառման կազմակերպման, զորակոչիկների ազգային զինծառայության և զորահավաքի ժամանակ պահեստազորայինների զինվորական ծառայության հետ կապված հարցերը կիրականացվեն կենտրոնացված՝ մեկ միասնական համակարգով։ Այդ նպատակով Վրաստանի պաշտպանության նախարարության համակարգում նախատեսվում է ստեղծել ադրբեջանական մոդել։