Փաշինյանը հայտարարել է, որ արտահերթ ընտրություններ չի անցկացնի

Հայաստանի վարչապետ Նիկոլ Փաշինյանը հայտարարել է, որ մտադիր չէ արտահերթ խորհրդարանական ընտրություններ անցկացնել՝ մինչև Ադրբեջանի հետ սահմանի սահմանազատման հնարավոր գործընթացը, փոխանցում է ՏԱՍՍ-ը։

«Չեմ կարծում, որ դա անհրաժեշտ է (արտահերթ ընտրություններ – խմբ.): Այն, ինչ մենք անում ենք, արձագանք է գլոբալ աշխարհաքաղաքական փոփոխություններին»,- ասել է նա՝ ի պատասխան սահմանամերձ Բերքաբեր գյուղի բնակիչներից մեկի հարցին, թե անհրաժեշտ է արտահերթ ընտրություններ անցկացնել նախքան Ադրբեջանի հետ սահմանը սահմանազատելը։