Ադրբեջանը ավելացրել է գազի արտահանումը Եվրոպա

Ընթացիկ տարվա 7 ամիսների ընթացքում Ադրբեջանում արդյունահանվել է մոտ 29,5 մլրդ խմ բնական գազ։

Ինչպես Caliber.Az-ին հայտնել են էներգետիկայի նախարարությունից, «Ազերի-Չըրագ-Գյունեշլի»-ից արդյունահանվել է 7,7 մլրդ խմ գազ, «Շահ Դենիզ»-ից՝ 16,5 մլրդ «Աբշերոն» հանքավայրից՝ 0,9 մլրդ խմ, SOCAR-ի գծով 4,4 մլրդ խմ:

«Նախորդ տարվա համապատասխան ժամանակաշրջանի համեմատ արձանագրվել է գազի արդյունահանման աճ՝ մոտ 1,3 միլիարդ խորանարդ մետրով»,- նշվում է հաղորդագրությունում։

Արտերկրում գազի իրացումը հաշվետու ժամանակահատվածում կազմել է մոտ 14,7 մլրդ խմ, ինչը մոտավորապես 5,7%-ով ավելի է նախորդ տարվա նույն ժամանակահատվածի համեմատ։