Ադրբեջանը բարձր է գնահատում Ռուսաստանի դերը Հայաստանի հետ հարաբերությունների կարգավորման գործում

Ադրբեջանը բարձր է գնահատում Ռուսաստանի դերը Ադրբեջանի և Հայաստանի միջև հարաբերությունների կարգավորման գործում։

Ինչպես հաղորդում է Caliber.Az-ը, այս մասին հայտարարել է Ադրբեջանի արտգործնախարար Ջեյհուն Բայրամովը Մոսկվայում իր ռուս գործընկեր Սերգեյ Լավրովի հետ հանդիպման արդյունքներով կայացած մամուլի ասուլիսում։

Բայրամովը նշել է, որ Բաքվի և Երևանի միջև հարաբերությունների կարգավորման կարևորագույն գործոնը եռակողմ հայտարարությունների լիարժեք իրականացումն է։ Սակայն, ցավոք, եռակողմ հայտարարության մի շարք հիմնարար պայմաններ չեն կատարվում. հայկական զինված կազմավորումներն ամբողջությամբ դուրս չեն բերվել Ադրբեջանի տարածքներից, և ականների վտանգը դեռ պահպանվում է։ ԱԳՆ ղեկավարը նշել է, որ Ադրբեջանի տարածքում հայտնաբերվել է 2021 թվականին Հայաստանում արտադրված 2700 ական, ինչը վկայում է այն մասին, որ Լաչինի միջանցքն ըստ նշանակության չի օգտագործվում։