Ադրբեջանը և Թուրքիան համաձայնագիր են ստորագրել 5 փոքր ՀԷԿ-երի վերականգնման մասին ԼՈՒՍԱՆԿԱՐ

«Ադրբեջանի օկուպացիայից ազատագրված տարածքներ մեծ վերադարձի I պետական ծրագրի» համաձայն՝ երկրի օկուպացիայից ազատագրված տարածքներում հիդրոէներգետիկ ներուժի արդյունավետ օգտագործման միջոցով շարունակվում են կանաչ էներգետիկ գոտու ստեղծման աշխատանքները։

Ինչպես հայտնում է Caliber.Az-ը՝ տնտեսության նախարարությանը հղումով, առաջադրված խնդիրների կատարման նպատակով՝ տնտեսության նախարար Միքայիլ Ջաբբարովի, էներգետիկայի նախարար Փարվիզ Շահբազովի և Ադրբեջանւմ Թուրքիայի արտակարգ ու լիազոր դեսպան Ջահիթ Բաղչիի մասնակցությամբ տեղի է ունեցել՝ «Ադրբեջանի ներդրումային ընկերություն» ԲԲԸ-ի ու թուրքական «Demirören Yatırım Holding A.Ş» ընկերության և «Arges Enerji Team» ԲԲԸ-ի միջև համատեղ մասնակցության մասին համաձայնագրի ստորագրման արարողությունը։

Փաստաթուղթը ստորագրել են՝ «Ադրբեջանի ներդրումային ընկերություն» ԲԲԸ-ի գործադիր տնօրեն Ուլվի Մանսուրովը, Demirören Yatırım Holding A.Ş»-ի տնօրենների խորհրդի նախագահ Յըլդըրըմ Դեմիրորենը- և «Arges Enerji Team» ԲԲԸ-ի ղեկավար Մեհմեթ Ֆեհմի Օզաթան։

Համաձայնագիրը նախատեսում է՝ Հաքարի և Թերթեր գետերի վրա գտնվող 5 փոքր հիդրոէլեկտրակայանների վերականգնում և շահագործման հանձնում։