Ադրբեջանը՝ արտահանվող ներդրումների առումով առաջատար ԵՎՐԱՍԻԱԿԱՆ ԶԱՐԳԱՑՄԱՆ ԲԱՆԿԻ ԶԵԿՈՒՅՑԸ

Եվրասիական զարգացման բանկը զեկույց է հրապարակել Եվրասիական տարածաշրջանի երկրներում փոխադարձ օտարերկրյա ուղղակի ներդրումների մոնիտորինգի մասին։

Ինչպես հաղորդում է Caliber.Az-ը՝ հղում անելով զեկույցին, Ադրբեջանն առաջատար է արտահանվող փոխադարձ ներդրումների և ՀՆԱ-ի հարաբերակցությամբ։ Այս ցուցանիշը 2024 թվականի առաջին կիսամյակում կազմել է ՀՆԱ-ի 6,6%-ը և զգալիորեն աճել է 2022 թվականի համեմատ (ՀՆԱ-ի 4%-ը):

Ադրբեջանը Ռուսաստանից առաջ է ՀՆԱ-ի 4,15 տոկոս ցուցանիշով։

Փաստաթղթի համաձայն՝ Եվրասիական տարածաշրջանում ներդրումների երեք հիմնական ստացողներն են Ղազախստանը, Ուզբեկստանը և Ադրբեջանը՝ համապատասխանաբար 10,4 մլրդ դոլար (22,6%), 10,2 մլրդ դոլար (22,1%) և 5,8 մլրդ դոլար (12,6%)։ Այս երեք երկրներին միասին 2024 թվականի առաջին կիսամյակում բաժին է ընկել փոխադարձ օտարերկրյա ուղղակի ներդրումների ընդհանուր ծավալի գրեթե 60%-ը։

Ադրբեջանը 2016 թվականից ի վեր տարածաշրջանի երկրների մեջ ցույց է տվել աճի ամենաբարձր տեմպերը՝ փոխադարձ ներդրումներն ավելացնելով 2,5 անգամ՝ 2016 թվականի 2,3 միլիարդ դոլարից մինչև 2024 թվականը 5,8 միլիարդ դոլար։