ՌԴ Նախարարների կաբինետը աջակցել է Բաքվի հետ ՝«Հյուսիս-Հարավ» միջանցքով փոխադրումների մասին համաձայնագրին

Ռուսաստանի Դաշնության կառավարությունը հավանություն է տվել Մոսկվայի և Բաքվի միջև՝ «Հյուսիս-Հարավ» միջազգային տրանսպորտային միջանցքով (ՄՏՄ) տարանցիկ բեռնափոխադրումների համատեղ զարգացման մասին համաձայնագրի նախագծին:
 
Ինչպես հաղորդում է ՏԱՍՍ-ը, այդ մասին ասված է՝ ՌԴ վարչապետ Միխայիլ Միշուստինի ստորագրած կարգադրության մեջ։
 
Փաստաթղթում նշվում է, որ համաձայնագրի նպատակն է՝ բարելավել տրանսպորտային կապերի արդյունավետությունը և մեծացնել Հյուսիս-Հարավ» ՄՏՄ-ի արևմտյան երթուղու ներուժը։
 
Ռուսաստանի Դաշնությունը և Ադրբեջանը տարանցիկ փոխադրումների ընթացքում կապահովեն ապրանքների ազատ տեղաշարժը իրենց տարածքներով՝ հաշվի առնելով փաստաթղթի և երկու երկրների օրենսդրության պահանջները։ Մաքսային հսկողության կանոնները հիմնված կլինեն՝ ինչպես օրենսդրության հետ համաձայնագրերի, այնպես էլ միջազգային պայմանագրերի վրա, որոնց մասնակցում են Մոսկվան և Բաքուն:
 
Փաստաթուղթը նաև սահմանում է բեռների երաշխավորված ծավալ, որը պետք է տարեկան փոխադրվի Ռուսաստանի Դաշնությունից Ադրբեջան՝ երկաթուղային ենթակառուցվածքի թարմացումից հետո։ 2028 թվականի հունվարի 1-ից այն կկազմի առնվազն 5 մլն տոննա, իսկ համապատասխան որոշման ընդունումից հետո՝ամեն տարի այն կհասցվի 15 մլն տոննայի։