Ադրբեջանի և Թուրքիայի միջև տարանցման վկայագրերի քվոտան ավելացել է

Ադրբեջանի և Թուրքիայի միջև տարանցիկ փոխադրումների մшասնական  տարանցիկ վկայականի քվոտան ավելացվել է գրեթե երեք անգամ՝ 35 հազարից հասնելով 100 հազարի։
 
Ինչպես հայտնում է Report-ը՝ արտասահմանյան լրատվամիջոցներին հղումով, այս մասին հայտարարել է՝ Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն։
 
Նրա խոսքով, Թուրքիայից Ադրբեջան արտահանման 81 տոկոսն իրականացվում է ցամաքային տրանսպորտով։ Էլեկտրոնային փաստաթղթերի  շրջանառության ավելացումը նպատակ ունի՝ արագացնել առևտուրը և բարելավել փոխադրումների արդյունավետությունը, ասել է Ուրալօղլուն։
 
Նախարարը նշել է, որ տարանցման էլեկտրոնային փաստաթղթերի կիրառումը սկսվել է դեկտեմբերի 14-ից։
 
«Էլեկտրոնային անձնագրով առաջին ավտոմեքենան պիլոտային ծրագրի շրջանակներում հատել է Ադրբեջանի սահմանը։ Տարանցիկ փոխադրումների համար էլեկտրոնային փաստաթղթերի քվոտան տարեկան 15 հազար է, իսկ երկկողմանիներինը՝ 500: Քվոտաները թվային բազայի տեղափոխման ուղղությամբ աշխատանքները շարունակվում են»,- ընդգծել է Ուրալօղլուն։