Ադրբեջանի արդյունաբերական պարկերում 1 մլրդ մանաթ կներդրվի

09 Օգոստոսի 2024 17:01

Ադրբեջանի արդյունաբերական պարկերում ներդրումների ծավալն առ այսօր կազմել է ավելի քան 6,8 մլրդ մանաթ։

Ինչպես տեղեկացնում է Caliber.Az-ը, այս մասին հայտնում է՝ Ադրբեջանի տնտեսության նախարարությանը կից տնտեսական գոտիների զարգացման գործակալությունը (İZİA)։

«Մինչ օրս ձեռնարկատերերը արդյունաբերական գոտիներում ներդրել են ավելի քան 6,8 միլիարդ մանաթ և ստեղծել ավելի քան 10,5 հազար մշտական աշխատատեղ», - նշվում է տեղեկատվության մեջ։

Գործակալության տվյալներով՝ 2013 թվականից մինչև 2024 թվականի օգոստոսի 1-ը ներմուծման ԱԱՀ-ի և արդյունաբերական պարկերում կիրառվող մաքսային արտոնությունների հաշվին ռեզիդենտները տնտեսել են 483 մլն մանաթ, որից 22 մլն մանաթը խնայել են այս տարի։

Մինչ օրս արդյունաբերական գոտիներում ռեզիդենտի կարգավիճակ են ստացել 150 տնտեսվարող սուբյեկտներ, որոնց ներդրումների ծավալը գերազանցում է 7,8 մլրդ մանաթը։

Caliber.Az

Դիտումներ: 338

Liked the story? Share it on social media!