Ալփարսլան Բայրաքթար. Մենք կավելացնենք ներդրումները էներգետիկայի ոլորտում
Էներգետիկայի և բնական պաշարների նախարար Ալփարսլան Բայրաքթարը հայտնել է, որ 2024 թվականին էներգետիկայի ոլորտում ներդրումները կկազմեն 75,7 միլիարդ լիրա (աճը՝ 70 տոկոս), հանքարդյունաբերության ոլորտում՝ 106 միլիարդ լիրա (աճը՝ 34 տոկոս)։
Ըստ Bigpara-ի՝ ամենամեծ ներդրումներն ուղղված կլինեն բնական գազի ու նավթի որոնմանն ու արդյունահանմանը։
«Մենք նախատեսում ենք ներդնել մոտ 100 միլիարդ լիրա՝ ընդլայնելու մեր արտադրական հզորությունները և արդյունահանումը մեծացնելու համար, հատկապես Սաքարյա գազի հանքավայրում և Գաբարի շրջանում», - ասել է նախարարը։
Բացի այդ, մասնավոր հատվածի մասնակցությամբ տարեկան շահագործման կհանձնվեն հողմային և արևային էլեկտրակայաններ՝ 5 հազար մեգավատ հզորությամբ։
«Մեր նպատակն է մինչև 2035 թվականը ընդհանուր առմամբ ավելացնել 60 հազար մեգավատ վերականգնվող էներգիայի լրացուցիչ որոշված հզորություն՝ մեր առկա հաստատված հզորությանը»,- ասել է Բայրաքթարը։