ICESCO-ի ներկայացուցիչը գնահատել է հայկական ուժերի վանդալիզմի մասշտաբները Ղարաբաղում

Կրթության, գիտության և մշակույթի հարցերով իսլամական կազմակերպության (ICESCO) ներկայացուցիչ Բիլալ Չալաբին հայտարարել է, որ պատվիրակությունը ականատես է եղել հայկական ուժերի կողմից Ղարաբաղում իրագործված վանդալիզմի և ավերածությունների:

Ինչպես հայտնում է Сaliber.Az-ը, այս մասին Չալաբին խոսել է Շուշա քաղաքում անցկացվող «Շուշայի իսլամական ճարտարապետական ժառանգությունը» թեմայով գիտաժողովում:

«Ինձ համար հաճելի է գտնվել այստեղ՝ Շուշա քաղաքի պատմամշակութային հուշարձաններին նվիրված միջոցառմանը: Շնորհակալություն ենք հայտնում Ադրբեջանին և Շուշա քաղաքի պետական արգելոցի վարչությանը՝ այս միջոցառումը կազմակերպելու համար։

Հատկապես ուրախալի է, որ Ադրբեջանը մեծ նշանակություն է տալիս պատմամշակութային ժառանգության պահպանմանը։ Ուզում եմ ընդգծել, որ այս միջոցառումը կդառնա ավանդական։ Մենք աջակցում ենք հուշարձանների վերականգնման և քաղաքային ենթակառուցվածքների վերակառուցմանն ուղղված Ադրբեջանի նախաձեռնություններին և ջանքերին։ Ցավոք, մենք վանդալիզմի ու ավերածությունների ականատես եղանք Շուշայում, Աղդամում և ընդհանրապես Ղարաբաղում»,- հայտարարել է Բիլալ Չալաբին։