Հաջիզադե. Փաշինյանի հայտարարությունները Հայաստանի ղեկավարության ստանձնած պարտավորությունների անտեսում են

Հոկտեմբերի 12-ին «Խաղաղ խաչմերուկ. անվտանգության և ժողովրդավարության միասնություն» ֆորումում ելույթի ժամանակ 2020 թվականի եռակողմ հայտարարության առնչությամբ ՀՀ վարչապետի հայտարարությունները իրականությունը խեղաթյուրելու փորձ են:

Caliber.Az-ի փոխանցմամբ՝ այս մասին հայտարարել է Ադրբեջանի արտաքին գործերի նախարարության մամուլի քարտուղար Այխան Հաջիզադեն։

Ընդհանուր առմամբ, եթե խոսենք  եռակողմ հայտարարությունից բխող այլ պարտավորությունների խախտման՝ Հայաստանի գործողությունների մասին, ապա նախ պետք է հիշել, որ Հայաստանն իր անօրինական զինված կազմավորումները դուրս չի բերել Ղարաբաղի շրջանից մինչև 2023թ։ Ոչ ոք չի մոռացել, որ հայկական կողմը, որը բանավոր հայտարարեց Ադրբեջանի տարածքային ամբողջականության ճանաչման մասին, ապօրինի ռեժիմի քարոզչություն է իրականացրել Ադրբեջանի տարածքում, և որ Հայաստանի վարչապետը 2023 թվականի սեպտեմբերի 2-ին շնորհավորանքներ է փոխանցել, այսպես կոչված, «անկախության» վերաբերյալ: Վերոնշյալի ֆոնին Հայաստանի վարչապետի հռետորական հարցերը Լաչինի միջանցքի, փախստականների և հարկադիր վերաբնակների վերադարձի վերաբերյալ միայն զարմանք են առաջացնում»,- հայտարարել է Հաջիզադեն: