Բելգորոդի մարզում տարհանում են բնակիչներին

Ռուսաստանի Դաշնության Բելգորոդի մարզի նահանգապետ Վյաչեսլավ Գլադկովն օգոստոսի 12-ի առավոտյան հայտարարել է՝ Կրասնոյարուժսկի շրջանի սահմանին ուկրաինական զորքերի ակտիվության և բնակիչների անվտանգ վայրեր տարհանման մեկնարկի մասին։

«Մենք տագնապալի առավոտ ենք ունեցել, հակառակորդի ակտիվություն Կրասնոյարուժսկի շրջանի սահմանին. (...) Մեր բնակչության կյանքն ու առողջությունը պաշտպանելու համար մենք սկսում ենք Կրասնոյարուժսկի շրջանում ապրող մարդկանց ավելի ապահով վայրեր տեղափոխել»,- ասել է նա տեսաուղերձում։

Տեղում արդեն ընթանում է քաղաքացիների համաձայնեցման և դուրս բերման գործընթացը, շրջան է ուղարկվել տրանսպորտ, հավելել է Գլադկովը։