«Ընտրություններն անցել են ազատ և ժողովրդավարական միջավայրում» AIPA-ASEAN Inter Parliamentary Assembly
Փետրվարի 7-ին Ադրբեջանի նախագահական ընտրություններն անցել են թափանցիկ, ազատ և ժողովրդավարական միջավայրում։
Ինչպես հաղորդում է Caliber.Az-ը, այս մասին մամուլի ասուլիսի ժամանակ հայտարարել է AIPA-ASEAN Inter Parliamentary Assembly-ի միջազգային դիտորդական առաքելության ղեկավար Սանյա Պրասեուտը։
Նրա խոսքով՝ իրենք մշտադիտարկում են իրականացրել 7 ընտրատեղամասերում՝ դրանց բացումից մինչև ընտրությունների ավարտը։ «Միջազգային այլ դիտորդների հետ մենք համոզվեցինք, որ ընտրությունները հաջող են անցել, թափանցիկ, հանգիստ մթնոլորտում, առանց ընտրողների վրա ճնշումների։ Քաղաքացիները բոլոր հնարավորություններն ունեին օգտվելու իրենց ընտրական իրավունքից, և ձայների հաշվարկն իրականացվեց արդյունավետ և բաց։ Մեր դիտարկումներով՝ ընտրություններին մասնակցել է ընտրելու իրավունք ունեցող քաղաքացիների ավելի քան 70%-ը»,- ընդգծել է Սանյա Պրասեուտը։