ՏԱՍՍ-ը Փոլադ Բյուլբյուլօղլուին պարգևատրել է հուշամեդալով

ՌԴ-ում Ադրբեջանի դեսպան Փոլադ Բյուլբյուլօղլուն պարգևատրվել է ՏԱՍՍ-ի «Մամուլի բարեկամ» հուշամեդալով։ 

AZERTAC-ի փոխանցմամբ՝ մեդալը հանձնվել է Անկախ Պետությունների Համագործակցության Պետական ​​տեղեկատվական գործակալությունների ղեկավարների խորհրդի (ԱՊՀ տեղեկատվական խորհուրդ) XXXII նիստի շրջանակներում:

ՏԱՍՍ-ի գլխավոր տնօրեն Անդրեյ Կոնդրաշովն Ադրբեջանի դեսպանին է հանձնել Պատվո նշանն ու դիպլոմը։ «Մամուլի  բարեկամ» մեդալը սահմանվել է ՏԱՍՍ-ի կողմից և շնորհվում է՝ պետական ​​և հասարակական գործիչներին  զանգվածային լրատվամիջոցների հետ հարաբերություններում բաց լինելու և բարի կամքի համար։