Վերլուծաբան Սուրենյանց. Արևմուտքը հաշվարկել է Փաշինյանի ներուժը և սահմանել դրա գինը

Հայաստանին 350 միլիոն դոլար տալու ԱՄՆ-ի և ԵՄ-ի խոստումները ուղղված են Հայաստանի վարչապետի իշխանության ամրապնդմանը, որպեսզի նա կարողանա ոչ պոպուլյար որոշումներ կայացնել՝ հայ-ադրբեջանական և հայ-ռուսական հարաբերություններում։

Ինչպես հայտնում է Caliber.Az-ը, հայ լրագրողների հետ զրույցում այս կարծիքն է հայտնել քաղաքական վերլուծաբան Սուրեն Սուրենյանցը։

Բրյուսելում տեղի է ունեցել՝ վարչապետ Նիկոլ Փաշինյանի և ԱՄՆ պետքարտուղար Անտոնի Բլինկենի ու Եվրոպական հանձնաժողովի նախագահ Ուրսուլա ֆոն դեր Լեյենի բարձր մակարդակի հանդիպումը։ Հանդիպման արդյունքում ԵՄ-ն Հայաստանի զարգացման համար կտրամադրի 270 մլն եվրո, իսկ ԱՄՆ-ը՝ ավելի քան 65 մլն դոլար։

«Արևմուտքում հաշվարկել են Հայաստանի իշխանությունների հակառուսական ներուժը և վճարել այս գինը։ Սա ներկայիս իշխանությունների կողմից կառավարվող երկրի գինն է»,- համարում է փորձագետը։

Նրա խոսքով, եթե այս բարձր մակարդակի հանդիպումը տեղի ունենար այլ ժամանակներում, երբ աշխարհը չէր ապրում աշխարհաքաղաքական առճակատման պայմաններում, և առավել ևս, եթե այս հանդիպումը տեղի ունենար այն ժամանակ, երբ հայ-ռուսական հարաբերությունները դեռ չէին հասցրել վատթարանալ, ապա դա կարելի էր դրական զարգացում համարել, նույնիսկ նման սահմանափակ օգնության փաթեթի դեպքում։ Սակայն նա նշում է, որ գործնականում լավ բան չենք կարող ասել այս հանդիպման մասին։